ضى القمر

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي




 
الرئيسيةالبوابةالتسجيلدخول

شاطر | 
 

 طنش نعيش ؟؟؟؟؟؟؟؟؟؟؟؟؟؟؟

اذهب الى الأسفل 
كاتب الموضوعرسالة
زهرة المنصورة
عضو فعال
عضو فعال
avatar

عدد المساهمات : 71
نقاط : 103
تاريخ التسجيل : 15/08/2009

مُساهمةموضوع: طنش نعيش ؟؟؟؟؟؟؟؟؟؟؟؟؟؟؟   الأحد أغسطس 16, 2009 2:50 pm


بصوا بقي انا عايزاكم تفتحوا ودانكم وتطرطقوا عنيكم وتركزوا بايديكم علي الكي بورد


(عشان هتردوا علي الموضوع يعني هتردوا )

ومتنسوش ان احنا بقينا في الجو يعني اللي مش هيكتب رد هيلاقي نفسه في حته زرقا والارض بتقرب من ناحيته بسرعه كده


ننتقل الى الموضوع:-
.
.
.
.
.
.
بص يا عم لو انت عاوز تطنش و تقديها و تبقي واد مخلص شوف شوية النصايح دي و عن تجارب في بشر عملو بيها مقديين حياتهم تمام قوي و كلو اخر هنا عشان طنشوا و عاشوا الحياه طول و عرض


الطناش الاول

طنش للبنات اكييد البنات دول حاجه جامده موت بس في كلام تاني اجدع منهم عندك مثلا دينك و درستك و مستقبلك. لكن لو سعتك خلاص افشه في دماغك حوار البانات روح اتجوز اجدع. و اهم حاجه لو اتجوزت نفض لحماتك نوهائي

الطناش التاني

طنش و احلق لي نفسك اساسا و متوجعش نفوخك بحوار التلوث و الجراد والكلام ده هتلاقي نفسك ماشي اخر تمام

الطناش التالت

طنش كل الناس اللي مش طالباهم يعني اللي مقديها حسد و اللى عاوزك مصلحة عشان عربيتاك والعالم دى عشان مش هيفرئو معاك في حاجه انت واد جامد

الطناش الرابع
ده موهم قوي ركز فيه
طنش حوارات المظاهرات و الكلام ده في الجامعه يعني هتغير الكون كده قضيها يا معلم اجدع

الطناش الخامس

طنش مديرك و شغلك و مشيها بنظام محدش بيموت من الجوع يعني اشتغل اه بس كده بنظام بدت الاعده في البيت او علي القهوة

الطناش السادس

-طنش لبسك يعني البس اي حاجه انت حر بس متهبلش في اللبس برضه شكلك موهم يا عم

الطناش السابع

طنش اي حاجه هتنكد عليك عيشتك يعني زي واحد صحبك عمال يعمل حركات كده اي كلام او حوارات عندك في بيتكو طنش الكلام ده عشان تعيش فريش

الطناش التامن

لو اهلك اعدو يكلموك في اي حوار مش عاجبك متعملش فيها عنتر و تجادل عشان مش هتستفاد حاجة غير انهم هيقفشو ا اكتر طنش و في اخر الكلام قول حاضر كلمت حاضر بتريح

الطناش التاسع
ده بقي اهم حاجه
طنش حوار الفلوس عشان ده حوار فاشل هتعد تفكر فيه هتتعب و متبصش علي غيرك ياعم ارضي باللي ربنا ادهوللك متوجعش دماغك بفولان حاب ايه و علان اشتي عربية ايه عادي قديها كولو في النهاية بيتساوه. والحوار ده بزات للبنات تعد بقي تقول اصل فيفي جابت كذا و تيتي عملت كذا طنشى و عيشى عادى

الطناش العاشر

طنش لحوار المخدرات و اللي يقولك جبت بوب او صاروخ جامد قوي و الهطل ده يا عم صحتك و حرام فطنش للكلام ده كولو احسنلك

الطناش الحداشر

طنش للجرايد و الخبار كلها كلام يوجع الدماغ و بوش ناوي يضرب ميين و بن لادن ظهر فيين كلها حوارات توجع نفوخك شوفلك فيلم اجدع تتفرج عليه

الطناش الاتناشر

طنش الكليبات اللي تجيبلك شلل مش عارف مين عملت كلب مع حصان و مين مع كلب و ده طالع ياخد دش و دي عملي سمكري نفض للمناظر دي يا عم بلا حرقة دم.

الطناش التلاتاشر

طنش شرب السجاير يعني فاكر نفسك شمشون و انت بتشربها من ورا اهللك طب استرجل و قول لي اهلك بص ياعم روح العبلك لعبة افيدللك

الطناش الاربعتاشر

طنش للسياسة يعني انت فاكر انك صلاح الدين الايوبي و خلاص هتحرر القدس اشتري دماغك يا معلم و عيش الحياة

الطناش الخماستاشر

طنش حوار انك تمشى تعاكس دي و تنح علي دي يعني لو اختك ماشيا ترضي يجرلها كده ياعم خليك راجل الجوله ادب مش اي كلام.

الطناش الستاشر

طنش كلام الناس عليك عشان من الاخر محدش بيعجبو اي حاجه و لو حبيت تريح الناس مش هتعرف فع عيش حياتك يا بوب و ما توجعش دماغك

الطناش السبعتاشر

طنش دكاترة الجامعة و ما تعملش معاهم حوارات مالهاش لزمه عشان البششر دي لو افشو عليك خلاص يا زعيم كل سنه و انت طيب هتعد طول عمرك بتدرس و منتش متخرج من الجامعة فطنش لهم و شوف مستقبلك يا باشا.

الطناش التمنتاشر

طنش الموضة اللي مالهاش لزمه يعني قشطه امشي علي الموضة بس اللي تنسبك يعني مثلا متحطليش حلق في ودنك و تقولي موضة.! ده ازاي بقي انشاء الله و لا هو اي حاجة و السلام.

الطناش التسعتاشر

طنش الطناش نفسه .....تسئلني ازاي اقولك معرفش بس طنش و السلام و كل حاجه هتبقي 100 100

شوف يا معلم لو عملت بالتسعتاشر نصيحة اللي فاتو اضمنلك هتقضى حياه اخر هنا و كلو هيعدي و هيبقي بونو و علي راي اللي قال

طنش وعيش....الحياة ما تساويش

دا بقى اسلوب الحياة فى ناس هتقدر تتاقلم معاه وناس لا ...
.
.
.
.
.
.
وبعد ما قرأتوا الموضوع..
ايه رأيكـــــــــــــم فى حكاية الطناااااش دى
مجديــــه..؟؟_______ ولا لأ..؟؟
وهتعرف تمشى بالاسلوب ده ولا لا؟
هــــــــا...؟؟؟؟؟؟؟؟؟
الرجوع الى أعلى الصفحة اذهب الى الأسفل
دلوعه وكلمتى مسموعه
عضو فعال
عضو فعال
avatar

عدد المساهمات : 77
نقاط : 102
تاريخ التسجيل : 06/08/2009
العمر : 25

مُساهمةموضوع: رد: طنش نعيش ؟؟؟؟؟؟؟؟؟؟؟؟؟؟؟   الإثنين أغسطس 31, 2009 1:00 pm

اناا من رايىىىىىىىىىىىى
اطنش الرد ع موضوع الطناش ده
هههههههههههههههههههههههههه

لا بجد الكلام سهل انما صعب تقدرى تعيشى بكميه الطناش ده
الرجوع الى أعلى الصفحة اذهب الى الأسفل
زهرة المنصورة
عضو فعال
عضو فعال
avatar

عدد المساهمات : 71
نقاط : 103
تاريخ التسجيل : 15/08/2009

مُساهمةموضوع: رد: طنش نعيش ؟؟؟؟؟؟؟؟؟؟؟؟؟؟؟   الأربعاء سبتمبر 02, 2009 7:50 pm

تسلمى دلوعه على مرورك نورتى التوبيك
بس انا من رايي ان فعلا الطناش احسن حل فى الدنيا اللى احنا عايشين فيها دى
الرجوع الى أعلى الصفحة اذهب الى الأسفل
دلوعه وكلمتى مسموعه
عضو فعال
عضو فعال
avatar

عدد المساهمات : 77
نقاط : 102
تاريخ التسجيل : 06/08/2009
العمر : 25

مُساهمةموضوع: رد: طنش نعيش ؟؟؟؟؟؟؟؟؟؟؟؟؟؟؟   السبت سبتمبر 05, 2009 1:27 pm

لا يا قمر سورى انا مش معاكى
لو عيشتى وانتى بتنطشى لكل حاجه يبقى انتى ملكيش رائى ولا ليكى مبدا ماشيه عليه
لان الطناش معناه الاستسلام والاستسلام يعنى ضعف الشخصيه
واعتقد ان مفيش حد يحب انه يكون شخصيته ضعيفه
سورى ع التطويل بس دى وجهه نظرى
الرجوع الى أعلى الصفحة اذهب الى الأسفل
 
طنش نعيش ؟؟؟؟؟؟؟؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ضى القمر :: مواضيع عامه-
انتقل الى: